Lefter Maliqi ka denoncuar punën e munguar të pastrimit të qytetit të Kuçovës. Në një postim në FB, ai shpërndan pamje ku duken plehra të hedhura në rrugë, ndërsa kujton se “tenderi i pastrimit është mbi 1 Miliardë e gjysmë Lekë”.
“Kuçova e intelektualëve, naftëtarëve dhe aviatorëve e mbuluar nga plehrat, duke nisur nga Rruga ‘Sulejman Delvina’, Rruga ‘Thimi Tane’, që nga qendra e në periferi, kudo plehra papastërti, në çdo lagje e fshat, ndërkohë që tenderi korruptiv i pastrimit është mbi 1 Miliardë e gjysëm Lekë, me taksat tuaja”, shkruan Maliqi.
“Së bashku të shpëtojmë Kuçovën nga ish-fatorinoja, oligarku Salillari dhe ‘pengu’ i tij i paaftë, Hajdari i Rilindjes shembull i paaftësisë. Kuçova s’ka nevojë për koncerte, për ‘show’, me taksat e popullit, për kengëtarët dhe skenat portative, por do punësim, zhvillim, ndryshim, rrugë, ujë, drita, kanalizime, treg, stadium modern, muze dhe pastërti e gjelbërim. Së bashku të pastrojmë qytetin nga plehrat dhe Bashkinë nga abuzuesit, të kortuptuarit dhe të paaftët”, shton kandidati i opizitës për Kuçovën në lokalet e 14 Majit.
