Talenti shqiptar, Flavio Sulejmani ka bërë një hap të rëndësishëm në karrierë, duke iu bashkuar Lacios.
Sulmuesi 17-vjeçar, pjesë e Shqipërisë U-19, ka firmosur kontratë 3-vjeçare me kryeqytetasit, teksa fillimisht do të bashkohet me skuadrën e të rinjve të trajnerit Stefano Sanderra.
Sulejmani konsiderohet një lojtar me shumë potencial, ndaj dhe drejtuesit e Lazios kanë ngulmuar për ta marrë që tani nga Peruxhia.
Te Lacio Sulejmani do të gjejë Elseid Hysajn, i cili do të luajë sezonin e tij të tretë te skuadra kyeqytetase.
Kujtojmë se në të kaluarën ka pasur një numër të konsiderueshëm futbollistësh shqiptarë tek ekipet Primavera të Lacios, për shkak edhe të ndikimit që ka pasur ish-drejtori sportiv i të kaltërv, Igli Tare.
Vlen të theksohet se hapat e para, Sulejmani i ka hedhur tek akademia e Interit, teksa në vitin 2021 kaloi tek moshat e Peruxhias.
Ndërkohë për sa i përket ekipeve kombëtare, sulmuesi është aktivizuar 2 ndeshje me U-16 e Shqipërisë ku ka shënuar 3 gola, 17 ndeshje me U-17 ku ka shënuar 4 gola, 5 ndeshje me Kombëtaren U-19 dhe 2 ndeshje me Shpresat e Bushit.
