Një tragjedi e vërtetë është regjistruar në Greqi për shkak të zjarreve.
Mediat greke raportojnë se në pyllin e Dadias që digjet që prej ditës së djeshme janë gjetur të shkrumbuar trupat e 18 emigrantëve.
Sipas informacioneve, viktimat janë gjetur në dy grupe, ndërsa hetimet po vazhdojnë.
Spiërfaqja pyjore e Dadias vijon të digjet prej mesditës së të hënës dhe forcat zjarrfikëse prej më shumë se 24 orësh po luftojnë me flakët.
Sipas përfaqësuesit të Departamentit të Zjarrfikësve, Yiannis Artopioros, “në një inspektim në vend nga zjarrfikësit në zonën e Avandës, 18 persona u gjetën pranë një grope zjarri. Duke qenë se prej ditës së djeshme nuk ka asnjë deklarim të zhdukjes, po hetohet mundësia që ata të kenë hyrë ilegalisht në vend. Tashmë grupi i identifikimit të viktimave të fatkeqësisë është aktivizuar nga policia greke. Po vijojnë hetimet në të gjithë zonën ku ka rënë zjarri dhe po vazhdojnë”.
