Një grabitës 33-vjeçar nga Shqipëria është arrestuar në Itali.
Karabinierët e ndaluan “skifterin” në një rrugicë, pas denoncimeve të banorëve të zonës që kishin vënë re dy persona, të cilët synonin të hynin brenda shtëpive.
Jo vetëm kaq, pasi një 62-vjeçar i cili sapo ishte kthyer në banesën e tij kishte gjetur dritaren e thyer dhe orenditë e plaçkitura.
Sipas mediave lokale, 33-vjeçari u ndalua teksa ende e kishte të mbuluar fytyrën me një kapuç dhe mbante veshur rroba të zeza e doreza.
Në momentin e ndalimit ai kishte me vete edhe mjete për grabitje dhe një këllëf jastëku plot me bizhuteritë e vjedhura.
33-vjeçari u arrestua, ndërsa hetimet vijojnë për identifikimin e bashkëpunëtorit.
