Dy fëmijë të mitur janë mes emigrantëve që u dogjën pranë fshatit Avantas në pyllin e Dadias në Evros të Greqisë. Nga këqyrja rezultoi se mes trupave të djegur janë edhe dy fëmijët.
“Ishin gjithsej tetëmbëdhjetë trupa të djegur, të gjithë burra dhe dy prej tyre ishin fëmijë. Të gjithë u gjetën në grupe nga dy ose tre në një distancë prej pesëqind metrash, me sa duket duke u përpjekur të arratiseshin dhe disa prej tyre ishin djegur. Siç më shpjeguan policët që më shoqëronin, zona është kalim për emigrantë të parregullt, në itinerarin nga kufiri në brendësi, përmes vargmalit të Rodopit”, tha mjeku që kreu ekzaminimin.
Ai sqaroi se trupat do të dërgohen nesër në spital për autopsi. Lajmet për zbulimin e tetë trupave të tjerë në një vend tjetër nuk u konfirmuan nga mjekësia ligjore.
