“Të punosh si punonjëse seksi ka 1000 të këqija, por ama fiton shumë para!”
Kështu e përshkruan punën e saj një e re, e cila e bën këtë “profesion” në qytetin meksiakan Tijuana. Qyteti i njohur rivalizon dhe Amsterdamin me “Zona Norte”, ku janë të punësuara mbi 1000 pinonjëse seksi, në atë që quhet “Disnayland për meshkuj”.
E pikërisht në këtë vend, Danny, nga Hermosillo, Sonora, u transferua për të punuar në “Klubin e Zotërinjve të Hong Kongut” kur ajo ishte vetëm 19 vjeç.
Ajo beson se të qenit punëtore seksi në Tijuana e ka bërë atë një “person më të mirë”, duke shtuar: “Kjo të bën më të arsimuar, të paktën për mua jam më e respektueshme, flas më mirë”.
Por përfitimi kryesor janë paratë, teksa Danny zbulon se fiton një shumë brenda një orë, që me një punë tjetër do i duheshin 50 orë për ta fituar
“Ka raste kur shkojmë në shtëpi me të paktën 300 ose 500 dollarë, por marrim dhe 1000 dollarë në një natë, unë mora 600 dollarë mbrëmë.”- tregon ajo.
Në ditën e saj më të ngarkuar në “Klubin e zotërinjve në Hong Kong”, Danny zbuloi se kishte shkuar edhe me 13 klientë.
“Kishte 13 burra, vetëm pranimet e thjeshta ishin 1300 dollarë sepse ishin 100 dollarë për çdo dhomë për 30 minuta, ndonjëherë fitonit më shumë.”- tha ajo.
Ajo zbuloi se ishte në gjendje të fitonte të paktën 2,000 deri në 3,000 dollarë në natë, por pranoi se ” pas klientit të pestë ose të gjashtë ndjen dhimbje fizike”. Megjithatë, për të, gjithçka ia vlen, pasi u siguron dy fëmijëve të saj një jetë ku nuk u mongon asgjë.
“Nëse kam borxhe apo diçka tjetër, e paguaj dhe pjesa tjetër shkon në bankë. Kur fitoj para, dal me fëmijët e mi për të ngrënë për të festuar,” tha ajo.
Ashtu si shumë nga vajzat e tjera që punojnë në “Zona Norte”, Danny fiton para nga klientë edhe pa u ofruar atyre shërbime. Ajo tregon se ka raste kur ata i paguajnë qiranë, ose i dërgojnë ushqime dhe veshje pa bërë asgjë me të.
Familja e Danny-t nuk ishte dakord që ajo të bëhej punëtore seksi, por ajo nuk është dakord me njerësit që mendojnë se profesioni i saj e bën atë një “person të keq”.
“Unë nuk ndihem sikur është një gjë e keqe, nuk ndihem keq që e bëj këtë sepse çdo gjë e bëj me përgjegjësi, gjithçka siç duhet. Nuk e bëj për të marrë drogë apo diçka të tillë. Jashtë punës ne jemi thjesht vajza normale, ne jemi shoqe të mira, të dashura të mira”- tha ajo.
