Erzeni sot ka siguruar një firmë të rëndësishme. Jo një futbollist të ri, por një rinovim të një lojtari i cili ka shfaqur në vitin e kaluar shumë cilësi të mira në radhët e shijakasve.
Amir Kahrimanoviç ka vendosur që të vazhdojë karrierën e tij te shijakasit dhe këtë e ka “zyrtarizuar” vetë klubi me një postim në rrjetet sociale, ku i uronte mirëseardhjen pas rikthimit.
Kahrimanoviç kishte tërhequr vëmendjen e shumë klubeve të Superiores në këtë sezon dhe ofertat ndaj tij nuk kanë munguar.
Por për një arsye apo tjetrën, kroati 24-vjeçar nuk hodhi firmën në asnjë prej kontratave që iu vunë përpara.
Në fund, firma duket se ka ardhur përsëri te Erzeni, ku ai do të ketë përsëri çelësat e mesfushës së shijakasve.
