Inter Miami ka arritur të fitojë Kupën e Amerikës, duke mposhtur me panallti skuadrën e Nashville.
Ishte pikërisht kapiten Messi ai që zhbllokoi rezultatin me një super gol në minutën e 23-të të takimit, me Nashville që nuk do të dorëzohej lehtë dhe do të arrinte të barazonte ndeshjen në minutën e 57-të me Picault.
“Pleshti” do t’i afrohej edhe golit të dytë, por do të ndalej nga shtylla, ndërsa finalja u zgjidh në fund me goditjen e 11-metërshave.
Gjatë 5 goditjeve të para, të dyja ekipet gabuan nga një herë, ndërsa më pas do të ishin goditjet nga portierët ato që do të përcaktonin fituesin, pasi gardiani i Nashville nuk ia doli ta dërgonte topin në rrjetë, ndryshe nga ai i Inter Miami.
Messi kështu siguron trofeun e 44-t në karrierë, duke u bërë kështu lojtari me më së shumti trofe më histori.
