Një shqiptar në Angli është kapur me 175 bimë kanabis në një pronë pranë Bourne.
Oficerët nga ekipi i policisë së lagjes Stamford, Bourne dhe Deepings pasi morën informacione shkuan drejt ‘shtëpisë së barit’ në Northorpe, Thurlby.
Aty oficerët gjetën drogën dhe shqiptarin që kujdesej për to.
Gjykata e Lincoln Crown dëgjoi se 175 bimë kanabis u gjetën së bashku me kanabis të kultivuar gati për shitje.
Një ekip specialistësh shkatërroi bimët dhe sistemin e rritjes hidroponike, që i bënte bimët të rriteshin pa tokë.
Artur Koka u arrestua në vendngjarje dhe më pas u deklarua fajtor për prodhimin e një droge të klasit B.
