40 efektivë të Batalionit të tretë të Këmbësorisë nga Forca Tokësore janë angazhuar sot për shuarjen e një vatre zjarri masiv në Porto Palermo, e cila pas disa orësh është normalizuar.
Mbrëmjen e djeshme u ndërhy edhe me helikopterin Kugar, i cili u rikthye edhe sot në mëngjes në zonë.
Trupat e angazhuar për shuarjen e flakëve kanë hasur vështirësi për shkak të terrenit të vështirë.
Ndërkohë që Policia e Shtetit bëri të ditur se në 24 orët e fundit ka vendosur 4 persona në pranga për zjarrvënie në Qeparo dhe Elbasan.
