Kryeministrja e Italisë, Giorgia Meloni ka reaguar në lidhje me atë se çfarë ndodhi pak ditë më parë në një restorant në Berat, ku katër turistë italianë ikë pa paguar faturën e ushqimit që kishin konsumuar dhe pamjet bënë xhiron e rrjetit.
Në një postim në rrjetet sociale, Meloni shkruan se këtë gjë e ka zbuluar nga kryeministri Edi Rama, gjatë kohës që ndodhej në Vlorë, ku vizitoi vendin tonë me ftesë të kreut të qeverisë. Ajo thotë se i ka ardhur turp se sipas saj, Italia që do të përfaqësojë nuk është një komb që nuk respekton punën e të tjerëve.
Meloni tha se faturën e ka paguar vetë ajo dhe nuk janë paratë e buxhetit të shtetit, siç e kritikon opozita, që sipas saj, duket se preferon një tjetër imazh të Italisë.
“Teksa isha në Shqipëri, kryeministri Rama më tregon historinë e 4 italianëve që ikën me vrap nga një restorant pa paguar faturën. Pronari i restorantit, pasi videoja e arratisjes u bë virale, tha se ishte ende i lumtur sepse bashkatdhetarët tanë kishin ngrënë mirë dhe ishin të lumtur.
Me vjen turp, sepse Italia që dua të përfaqësoj nuk është një Komb qe e bën veten te fllitet jashtë për këto gjera, që nuk respekton punën e te tjerëve, që mendon se është qesharake duke ia u bërë këtë të tjerëve. Kështu vendosa t’i kërkoja ambasadorit të shkonte të merrte faturën, të cilën e pagova personalisht. Asgjë e madhe, në fakt as që e raportova për këtë.
Megjithatë kjo në Itali ka krijuar edhe polemika, nga një opozitë që me sa duket preferon një tjetër imazh të Italisë. Më vjen keq sepse shpresoja që të paktën të gjithë të bien dakord për diçka kaq të parëndësishme.” – shkruan Meloni
