Një operacion antidrogë i kryer nga administrata e portit të Pireut, ka çuar në zbulimin e një sasie kokaine me vlerë 2.000.000 euro.
Autoritetet gjetën më shumë se 64 kilogramë kokainë të fshehur në një kontenier me karkaleca në portin më të madh të Greqisë.
Operacioni është kryer në bashkëpunim me DEA-n amerikane, e cila ka sinjalizuar autoritetet helene për një kontejner të dyshimtë me origjinë nga Ekuadori.
Droga e gjetur ishte e ndarë në 58 pako, të cilat mbanin sipër logo të ndryshme si “Lamborghini” apo “Panda”.
Sipas burimeve policore që folën për protothema.gr, është hera e parë që droga zbulohet jo në një ngarkesë frutash (zakonisht banane), por në frigoriferë ku ruhen karkalecat.
