Policia ka identifikuar dhe ka shpallur në kërkim autorin e plagosjes së regjistruar mbrëmjen e djeshme në lagjen “Llukan Prifti” të Kuçovës.
Bëhet fjalë për shtetasin B. A., 24 vjeç, banues në Kuçovë, i cili ka plagosur me thikë 41-vjeçarin me inicialet E.B. Ngjarja dyshohet se ka ndodhur pas një konflikti të çastit mes tyre.
Autoritetet policore bëjnë me dije se i plagosur vijon të marrë asistencë mjekësore në Spitalin e Traumës, ku është jashtë rrezikut për jetën. Policia po vijon punën për kapjen e 24-vjeçarit dhe për zbardhjen e plotë të rrethanave të këtij konflikti.
Njoftimi:
Plagosi me mjet prerës (thikë) një 41-vjeçar, për shkak të një konflikti të çastit ndërmjet tyre, Policia identifikon autorin dhe vijon punën për kapjen e tij.
Si rezultat i veprimeve hetimore të kryera nga shërbimet e Komisariatit të Policisë Kuçovë, për plagosjen e shtetasit E. B., të kryer mbrëmë, në lagjen “Llukan Prifti”, për shkak të një konflikti të çastit, u bë i mundur identifikimi i autorit të këtij rasti, shtetasit B. A., 24 vjeç, banues në Kuçovë.
I dëmtuari, shtetasi E. B. vijon të marrë asistencë mjekësore në Spitalin e Traumës, ku është jashtë rrezikut për jetën.
Ndërkaq, Policia vijon punën për kapjen e shtetasit B. A. dhe për zbardhjen e plotë të rrethanave të këtij konflikti.
