Mbrëmjen e sotme në sajë të disa mesazheve denoncuese të mbërrritura në inbox-in e tij, kreu i PD, Sali Berisha ka hedhur dritë mbi skandalin e ndërtimeve pa leje në zonën e Ksamilit.
Në këtë fshat bregdetar kaq shumë të lakmuar nga mafia e pronave, janë realizuar javën e fundit një sërë aksionesh me dron nga policia për zbulimin e ndërtimeve pa leje.
Por, siç qytetarët denoncojnë te Berisha, këto kioska të zbulara janë lejuar të ndërtohen gjatë muajit tëq fushatës zgjedhore dhe në vijim nga Bashkia e Sarandës, policia lokale dhe IKMT, në këmbim të rryshfeteve të majme.
“Doktor dua te denoncoj disa raste flagrante dhe koruptive ne Ksamil. Duke filluar qe nga prilli ne Ksamil me bekim te institucioneve janë hedhur dhjetra kioska naten me qellim legalizimin e tyre. Per kete jane paguar shuma maramendse nen dore qe te lejoheshin keto. Ndertimet jane nga zona e liqenit por edhe ne pika te ndryshme ne Ksamil. Nderkohe jane dhene nga Bashkia disa leje per tregetare ambulante te cilet kane hedhur kioska dhe kane bere ndertime ne keto vende dhe jane zgjeruar deri duke prishur mjedisin me qellim me pas legalizimin e tyre”, nënvizohet në një mesazh të një qytetari.
Sipas një tjetër qytetari që ankohet për të njëjtën problematikë, janë mbi 50 subjekte që janë ngritur në 4 muajt e fundit, ndaj SPAK duhet të hetojë çështjen.
“Doktor pershendetje, keto ndertime pa leje qe kap policia ditet e fundit ne Ksamil te kujt jane dhe kush i ka lejuar? Kush u ka dhene garanci qe ti ndertonin, se brenda dy oresh nuk jane ndertuar? Kush u ka dhen garanci qe do legalizoen? Po lejet per ambulante qe me pas jane kthyer ne lokale e restorante ne Sarande e Ksamil kush i ka dhene? Jane mbi 50 ndertime pa leje qe nga periudha e fushates e me pas qe jane lejuar ne Ksamil me garanci dhe lejim nga kush? SPAK te ktheje syte nga pushtetaret e qendres dhe Sarandes, Policia, Bashkia dhe ASHK e Sarande se po behet baterdia”, sqaron ai.
Ndërkohë, në një tjetër mesazh theksohet se takimi i minstrit të ri të Brendshëm, Taulant Balla me punonjësit e Bashkisë Sarandë, policisë, IKMT dhe ASHK-së është një shfaqje, pasi ndërtimet përgjatë bregdetit të Ksamilit janë lejuar nga institucionet lokale.
Sipas denoncuesit, këto kioska ambulante dhe dhoma pushimi i përkasin një rangu të lartë zyrtarësh, deputetësh dhe shefash në Jug të vendit.
“Tao Balla ishte dje ne Sarande dhe beri takim me bashkine dhe policine se ne Ksamil jane shfaqur shume ndertime pa leje. Po a e di Balla qe ato ndertime jane edhe te zyrtareve bere me lejen e policise bashkise dhe inuk. Kane mare ata leket dhe bashkia e me pas ka mare leket ASHK qe i ka legalizuar dhe hipotekuar. Po te shikosh emrat se kush ka prona ne Ksamil te dalin zyrtar te larte, deputet,shefa komisariatesh, inspektore zonash, drejtues ne bashki dhe ne IKMT dhe zyrtare te ASHK Sarandë”, shkruan qytetari i shqetësuar.
