Një makinë tip “BMW” është djegur pasditen e sotme në “Unazën e Re” të Tiranës, pranë zonës së Astirit.
Mjeti ka marrë flakë pranë urës së Lanës, në vendin e njohur si ish-Alpha Bank.
Në vendin e ngjarjes kanë shkuar menjëherë policia dhe zjarrfikësja, ndërsa reja e tymit ka mbuluar zonën.
Fatmirësisht nuk raportohet për persona të lënduar, ndërsa shkaqet e rënies së zjarrit janë ende të paqarta.
Sakaq, trafiku në këtë aks hyrës për në kryeqytet është rënduar.
