Një operacion ndërkombëtar antidrogë është zhvilluar këtë të martë nga policia shqiptare në bashkëpunim me Guardia di Finanza dhe DEA-n amerikane.
Sipas raportimeve paraprake, gjatë operacionit janë bllokuar 4 gomone si dhe janë shoqëruar 10 persona.
Mësohet se një prej 4 gomoneve të përdorura nga trafikantët ka qenë e pajisur me 3 motorrë të rrallë me nga 350 kuaj fuqi, me qëllim për të transportuar drogën në ujërat e detit Adriatik.
Mësohet se trafikantët i kanë vënë flakën një veliere kur janë afruar forcat e policisë, në të cilën kanë qenë dhe pakot me drogë.
Raportohet se pritet të ketë edhe arrestime të tjera në kuadër të këtij operacioni që ka nisur prej disa ditësh edhe nga pala italiane.
Lajmi në përditësim…
