Në krah të trajnerit Shpëtm Duro, në konferencën për shtypin për sfidën me Swift Hesperange us shfaq sulmuesi Marjan Radeski, i cili bashkë me Ibraimin po udhëheqin skuadrën në garat e sivjetme të Europës. Të dy kanë shënuar nga 3 gola, duke rrumbullakosur shifrën e gjithë 6 golave të shënuar nga Struga Trim Lum në 4 ndeshjet e deritanishme në Europë, aty ku numëron 2 fitore, një barazim dhe një disfatë.
“Na pret një ndeshje shumë e rëndësishme me një skuadër shumë të mirë. Arritëm të shohim disa video dhe t’i analizojmë ato.
Vërtet bëhet fjalë për një skuadër shumë të mirë, mirëpo shanset janë të mëdha për ta kaluar, edhe pse një gjë e tillë do të varet nga ne, nëse do të jemi ata që ishim deri më tani.
Mendoj se kemi shanse të mëdha dhe një short të mirë për më tej deri në fazën play-off”, deklaroi fillimisht Radeski, i cili nuk fshehu kënaqësinë që për momentin skuadra po funksionon si një familje.
