Dy automjete me të cilat 8 turistë italianë po eksploronin lagunën e Karavastasë dhe pyllin e Divjakës, kishin ngecur në një pjesë rruge me baltë për shkak të reshjeve të shiut.
Menjëherë pas njoftimit, shërbimet e Policisë kanë organizuar punën, kanë shkuar në zonën e sinjalizuar dhe përmes përdorimit të një makine teknologjike (skrep), i kanë nxjerrë 2 automjetet nga rruga me baltë ku kishin ngecur.
8 turistët janë shoqëruar me automjetet e Policisë dhe janë në gjendje të mirë shëndetësore.
