Një aksident i rëndë është shënuar orët e para të mëngjesit të sotëm në Rrugën e Kombit, në fshatin Gziq.
Një makinë me targa serbe ka dalë nga rruga dhe është përplasur me trafik ndarësen.
Si pasojë e këtij aksidenti janë lënduar 5 anëtarët e një familje, 3 fëmijë dhe çifti i bashkëshortëve.
Të lënduarit janë dërguar në spitalin e Rrëshenit, ndërsa gruaja ndodhet në gjendje të rëndë për jetën.
Familja ishte nisur për pushime.
Policia ndodhet në vendin e ngjarjes, ndërsa paraprakisht dyshohet se shpejtësia dhe lagështia në rrugë kanë shkaktuar humbjen e kontrollit të automjetit
