Një vullkan i largët në Ishujt Aleutian të Alaskës i cili ka qenë aktiv javët e fundit shpërtheu një shtëllung hiri deri në 9144 metra lartësi të premten, duke bërë që autoritetet të nxjerrin paralajmërime për pilotit.
Sipas Observatorit të Vullkanit të Alaskës, “emetimet e konsiderueshme të hirit”, zgjatën për disa orë pas trazirave në vullkanin Shishaldin.
Hiri vullkanik është këndor dhe mjaft i mprehtë për t’u përdorur si një gërryes industrial. Shtëllunga e pluhurit vullkanik mund të shkaktojë mbylljen e një motori reaktiv.
Vullkani është 1093 kilometra në jugperëndim të Anchorage, pranë qendrës së ishullit Unimak, ishulli më i madh në Aleutians.
Rreth 40 njerëz jetojnë në False Pass në anën lindore të ishullit dhe Shërbimi Kombëtar i Motit lëshoi një deklaratë duke paralajmëruar rënien e hirit në formë reshjesh në fshat.
