Kryetari i Partisë Demokratike, Sali Berisha, ka deklaruar se kriminelët e arrestuar dhe shpallur në kërkim në kuadër të operacionit ‘Metamorfoza’, u përdorën për fushatë elektorale.
Përmes një postimi në rrjete sociale, Berisha ka publikuar një video nga fjala e tij në mbledhjen e Kryesisë së PD, krahas së cilit shkruan: “Ja si u përdor metamorfoza për fushatë elektorale. Narkoshtetit kundër votës së lirë!”
Reagimi i plotë:
“E keni ndjekur operacionin ‘Metamorfoza’. Unë dy gjera dua t’u them ju këtu. Ky operacion është regjistruar në janar. Por ky operacion u shty vetëm që këta banditë, vrasës, trafikantë, përdhunues të përdoren kundër opozitës. Dhe të sillen në Shkodër si pushtues.
Por ju them nga ana tjetër se miku i ngushte i Edi Ramës, Pëllumb Gjoka, në fakt edhe i Erion Velisë, sepse Erion Veliaj e ka pajisur me leje ndërtimi para 10 ditësh, dy javësh.
Pra miku i ngushtë i Edi Ramës vendosi Velipojën në rrethim, në pushtim në 14 maj dhe ne e denoncuam.
Bajrët, që u informuan t’ia mbathin, në 14 maj, me makina të blinduara ushtruan terror në Shkodër, e kështu me radhë në të gjithë Shqipërinë bandat”.
