Polonia ka akuzuar Bjellorusinë për pushtimin e hapësirës ajrore polake me helikopterë dhe është përgjigjur duke rritur numrin e ushtarëve në kufi.
”Dy helikopterë bjellorusë që kishin fluturuar pranë kufirit kishin shkelur hapësirën ajrore polake”, njoftoi sot agjencia polake e lajmeve, PAP duke cituar Ministrinë e Mbrojtjes.
Helikopterët kaluan sot kufirin në zonën Bialowieza, rreth 250 kilometra në lindje të Varshavës.
Ministria tha se helikopterët fluturuan në një lartësi shumë të ulët, duke i bërë të vështirë zbulimin e tyre për sistemet e radarëve.
Ministri polak i Mbrojtjes, Mariusz Blaszczak urdhëroi që numri i ushtarëve të rritet ashtu edhe burimet shtesë, përfshirë helikopterët luftarakë dhe të vihen në dispozicion në kufi.
Polonia tha kishte informuar NATO-n për incidentin.
Fluksi i luftëtarëve nga ushtria private ruse Wagner në Bjellorusi ka shkaktuar shqetësim në Poloni dhe vende të tjera të NATO-s.
Prandaj, ushtria polake kishte urdhëruar trupa shtesë nga perëndimi i vendit në lindje.
Një fushatë zgjedhore është duke u zhvilluar aktualisht në Poloni, anëtare të BE-së përpara se ajo të zgjedhë një parlament të ri në vjeshtë.
