Qeveria shqiptare ka reaguar pas denoncimeve të forta në media dhe në rrjetet sociale dhe ka kaluar një fond me vlerë 2 milionë lekë për kurimin e aktorit Genc Fuga.
Tre ditë më parë, aktori pësoi një goditje në tru dhe iu nënshtrua një operacioni me urgjencë në një spital privat, ku i kushtoi 19 mijë euro, për shkak se QSUT nuk e ofronte atë shërbim. Ditën e djeshme, ai iu nënshtrua dhe një operacioni të dytë, ku iu bënë dhe dy hapje të tjera në kokë, për shkarkimin e edemave.
Bashkëshortja e tij, aktorja Eni Fuga apeloi për ndihmë, në pamundësi për ta paguar operacionin dhe miqtë e tyre dhe shqiptarët u sensibilizuan duke dhuruar dyfishin e çmimit të kostos së operacionit.
