Është gjetur pa shenje mëngjesin e kësaj të diele, shtetasi Gjergj Mullalli, autor i dyshuar i vrasjes së gruas së tij një ditë më parë në Maliq.
Burime nga policia bëjnë me dije se 55-vjeçari është vetëvrarë.
Ngjarja e rëndë ndodhi mbrëmjen e djeshme, kur Luiza Mullalli u vra me armë zjarri nga një distancë e afërt, ndërsa njëri prej plumbave e ka prekur në pjesën e kraharorit, duke i shkaktuar vdekjen e menjëhershme.
Çifti ishin prindër të 3 fëmijëve, 2 vajza dhe një djalë.
Njoftimi i policisë:
Maliq/Informacion shtesë
Pas kërkimeve të pandërprera dhe kontrollit të territorit me qëllim kapjen e shtetasit Gj. M., i cili një ditë më parë vrau me armë zjarri bashkëshorten e tij, shërbimet e Policisë të DVP Korçë dhe Komisariatit të Policisë Maliq bënë të mundur lokalizimin në një banesë të braktisur, në fshatin Zëmblak, të këtij shtetasi.
Sapo ka konstatuar se ka qenë i rrethuar nga forcat e Policisë 55-vjeçari, ka hapur disa herë zjarr ndaj punonjësve të Policisë.
Pas thirrjeve të njëpasnjëshme të Policisë për t’u dorëzuar, ky shtetas është vetëvrarë.
Grupi hetimor ndodhet në vendngjarje për të kryer veprime të mëtejshme në lidhje me këtë ngjarje.
