Një 57 vjeçar është arrestuar në Angli pasi është kapur duke punuar në një fermë kanabisi.
Në pranga ka rënë shtetasi, Arjan Bilani, i cili kujdesej për më shumë se 350 bimë me një vlerë deri në 140,000 £.
Mediat e huaja shkruajnë se kur u mor në pyetje nga policia, Bilani tha se kishte mbërritur në Mbretërinë e Bashkuar ilegalisht nga Shqipëria një vit përpara arrestimit të tij dhe kishte grumbulluar një borxh prej 25,000 £ për ata që e sollën në vend. Ai pretendoi se ishte kërcënuar të punonte në fermën e kanabisit ose vajza e tij në Shqipëri do të dëmtohej.
Bilani më vonë u deklarua fajtor për prodhimin e kanabisit. Gjykata tha se ai nuk kishte precedent të mëparshëm kriminal.
Avokati i shqiptarit tha se klienti i tij donte të kthehej në shtëpi. Në përfundim Bilani u dënua me 8 muaj burg.
