Me një goditje spektakolare në anën e fytyrës së Dustin Poirier, drejtpërsëdrejti, Justin Gaethje jo vetëm që u hakmor për humbjen e tij më 2018, por fitoi edhe titullin simbolik të BMF.
Në një nga netët më të mëdha të karrierës së tij, në arenën ‘Delta Center’ në Salt Lake City, ‘The Highlight’ filloi t’i masë shanset e tij nga raundi i parë, duke përdorur goditje të forta. Sidoqoftë, përvoja e Poirier e ndihmoi atë ta kalonte raundin e parë pa asnjë problem. Ama, kjo ishte gati të ndryshonte.
Justin pati vëllim goditjesh që në fillim dhe punoi me zgjuarsi, ndërsa Poirier demonstroi përvojën që kishte fituar qysh nga hera e fundit që u takuan.
Në fund të raundit të parë, stafi teknik e përgëzoi Gaethje për “kaosin e bukur” që po krijonte në mes të tetëkëndëshit dhe i injektoi luftëtarit energji për ta zgjidhur enigmën që kishte përballë.
Rezultati erdhi në 3:57 minuta të raundit të dytë, kur Gaethje lëshoi një goditje majtas ndaj kundërshtarit, pa i dhënë mundësi Poirier të rikupronte më. Goditje në mes të qafës dhe mjekrës rezultoi fatale për këtë të fundit.
“Jam shumë mirënjohës, sepse normalisht jeta nuk të jep rindeshje”, – tha luftëtari, i cili la rekordin 25-4 me 20 KO. Kjo ndeshje vuri kundër njëri-tjetrit dy nga kategoritë më të lehta të UFC-së të momentit, por ishte Justin Gaethje ai që mbizotëroi në luftë dhe tani është afër dyluftimit me Islam Makhachev, kampionin në fuqi të divizionit.
