Një ditë pas zgjedhjes në krye të PD-së, Lulzim Basha ka mbledhur kolegjin e Kryetarëve.
Basha ka anuluar mbledhjen tek zyrat e PD zyrtare dhe e ka kthyer në një darkë pune (mbledhje) tek nje nga hotelet me të njohura të kryeqytetit.
Sipas burimeve, mësohet se gjatë fjalës së tij në mbledhje, Basha ka falënderuar anëtarët për punën e bërë gjatë ditës së djeshme.
Siç shihet edhe nga fotografitë, të pranishëm në mbledhje janë kryetarët e degëve, Enkelejd Alibeaj dhe Indrit Sefa.
Kujtojmë se Basha arriti të fitonte garën e ditës së djeshme për kryetar të PD-së me rreth 16 mijë vota përballë Gjergji Hanit, i cili mori rreth 1650 vota.
Zgjedhjet e ditës së djeshme në PD janë kontestuar gjerësisht, ku Këshilli Kombëtar i thirrur nga Gazment Bardhi, i shpalli ato anti-statutore dhe të pavlefshme.
