Policia e Shkodrës ka zbuluar një serë me 810 bimë narkotike kanabis sativa në fshatin Bushat në Vaun e Dejës dhe është kapur në flagrancë edhe një 30-vjeçar.
Në kuadër të operacionit “Forte” është vënë në pranga shtetasi Elhad Zyberi, banues në fshatin Kosmaç, Vau i Dejës.
Siç shihet dhe në videon e mëposhtme, ai është kapur në flagrancë, duke u kujdesur për bimët narkotike. Policia njofton se vijon puna për identifikimin dhe kapjen e shtetasve të tjerë të dyshuar për këtë rast kultivimi.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme hetimore.
