Përfundon procesi i numërimit, Basha rizgjidhet në krye të PD së vulës

Procesi i numërimit të votave për kreun e ri të PD-së së vulës, ka përfunduar.

Në garë ishte ish-kryedemokrati Lulzim Basha dhe Gjergji Hani, nga shtresa e ish-të përndjekurve politikë.

Basha ka arritur të grumbullojë sasinë më të madhe të votave, duke u shpallur kështu kryetari i ri i PD-së së vulës.

Kryetari i Komisionit Zgjedhor në PD, Jemin Gjana, ka publikuar rezultatet përfundimtare të procesit.

“25460 votues në lista. Rezulton se kanë marrë pjesë në votime 18052 anëtarë të PD-së, pra rreth 71 %. Nga 18052 anëtarë që kanë marrë pjesë në votim, në kutitë e votimit janë gjetur 18052 fletë votimit, të pavlefshme janë gjetur 199. 17853 janë vota të vlefshme, nga të cilat Basha ka marrë 16196 vota dhe Hani 1657 vota. Në bazë të këtyre të dhënave, Komisioni elektoral i PD-së deklaron fitues të zgjedhjeve Lulzim Bashën”, u shpreh Gjana.

Ndërkohë në nisje të procesit të votimit, një foto e publikuar nga anëtarja e komisionit zgjedhor në degën nr.7 në Tiranë, Zana Deda, ka ngritur dyshime për vota fiktive në favor të Bashës. Lidhur me këtë ka reaguar edhe gazetari Lutfi Dervishi.

Rezultatet:

Në Delvinë mësohet se nga 366 votues, kanë votuar 194 prej tyre.

Lulzim Basha -150 vota,

Gjergji Hani – 38 vota.

Sakaq të pavlefshme kanë rezultuar 6.

Bashkia Dimal
Nga 216 anëtarë votuan 183

Lulzim Basha ka marrë 177 vota

Gjergji Hani 2 vota

4 të pavlefshme

Bashkia Skrapar

Nga 134 anëtarë votuan 116

Lulzim Basha ka marrë 101 vota

Gjergji Hani 15 vota

Bashkia Poliçan

Lulzim Bashaa marrë 169 vota

Gjergji Hani ka marrë 12 vota

 Kurbin:

Basha 473 vota

Gjergj Hani 35

4 të pavlefshme

Përmet:

Basha-63

Gjergji Hani: 18

Gramsh:

Basha-21 vota

Gjergji Hani: 11

 Sarandë:

Nga 270 votues në lista, morën pjesë  212.

Lulzim Basha – 190 vota

Gjergj Hani – 18

4 vota të pavlefshme

Dega 9 në kryeqytet

407 në total

Lulzim Basha 379 vota

Gjergji Hani 23

5 të pavlefshme

Ndërkohë në Gjirokastër sipas rezultateve të publikuara në total ishin 630 vota:

Lulzim Basha -560

Gjergji Hani- 58

13 të pavlefshme

Por një foto e publikuar nga vetë mbështetësit e Bashës, rreth orës 19:00 fiks në mbyllje te procesit, tegon se kutia e votimit është thuajse bosh.

Deputetët që morën pjesë në proces:

Kreshnik Çollaku, Eralda Bano, Merita Bakiu, Flutura Açka, Orjola Pampuri, Arbi Agalliu, Enkelejd Alibeaj dhe Selaudin Jakupllari, janë deputetët e PD që kanë votuar sot në procesin për Kryetar.