Një ngjarje e rëndë është regjistruar ditën e djeshme në Berat, ku një 43-vjeçare i ka dhënë fund jetës, duke u helmuar me fostoksinë.
Burime bëjnë me dije se viktima ështet shtetasja Pranvera Berisha, e cila ka gjetur vdekjen pasi ka konsumuar një sasi të konsiderueshme helmi fostoksinë në banesën e saj.
Kanë qenë familjarët ata që e kanë gjetur 43-vjeçaren në gjendje të rëndë dhe e kanë transportuar me urgjencë në spitalin e Beratit. Por edhe në këtë spital, mjekët pasi i kanë dhënë ndihmën e parë e kanë nisur me urgjencë drejt spitalit të Traumës në kryeqytet. Fatkeqësisht, ajo nuk ka arritur të mbijetojë dot dhe ka ndërruar jetë, pak orë pasi është shtruar tek Trauma.
Mësohet se Pranvera Berisha e ka marrë këtë akt ekstrem pasi kishte mësuar se vajza e saj ishte prekur nga një sëmundje e rëndë. 43-vjeçarja ishte pjesë e komunitetit rom dhe punonte në ndërmarrjen e pastrim-gjelbërimit të qytetit.
