Gjykata e Lezhës ka caktuar masën e sigurisë “arrest me burg” për katër persona, mes tyre dy ish-efektivë policie, pas një hetimi dy vjeçar, me metoda speciale hetimi nga Agjencia e Mbikëqyrjes Policore në bashkëpunim me Prokurorinë e Lezhës.
Më konkretisht bëhet fjalë p♪7r shtetasit shtetasit:
– Serxhio Xhamalloti, 27 vjeç, ish punonjës policie me detyrë Patrullë e Përgjithshme në Komisariatin e Policisë Lezhë, i dyshuar për kryerjen e veprës penale “Shpërdorim detyre”;
– Klisman Nikolli, 28 vjeç ish punonjës policie me detyrë Patrullë e Përgjithshme në Komisariatin e Policisë Lezhë, i dyshuar për kryerjen e veprës penale “Shpërdorim detyre”;
– Klajdi Luka, 28 vjeç, i dyshuar për kryerjen e veprës penale “Kultivim të bimëve narkotike”;
– Eduart Çarku, 30 vjeç, i dyshuar për kryerjen e veprës penale “Kultivim të bimëve narkotike”.
Deri tani policia ka arritur të arrestojë vetëm ish-punonjësin e policisë Serxhio Xhamalloti dhe kultivuesin e drogës Klajdi Luka, ndërsa janë shpallur në kërkim ish-punonjësi i policisë Klisman Nikolli dhe kultivuesi i drogës Eduart Çarku.
Ata dyshohet se ishin grup në kultivimin e lëndëve narkotike.
