Emre Can është kapiteni i ri i Dortmund. Klubi verdhezi ka vendosur t’i besojë shiritin e kapitenit 29-vjeçarit gjerman, i cili deri më tani ka luajtur katër sezone në “Signal Iduna Park”. Can do të pasojë Marco Reus.
“Më bën jashtëzakonisht shumë krenar fakti që jam kapiteni i një klubi të madh. Dua të falenderoj të gjithë të përfshirët që vendosën dhe menduan stë ma jepnin mua shiritin”, tha Can pas emërimit si kapiten.
Dortmund do të synojë që të fitojë titullin kampion në sezonin e ardhshëm, duke mos përsëritur gabimet e bëra në edicionin që kaloi, ku ekipi i Terzic dështoi të triumfonte, edhe pse mjaftonte një fitore në sfidën e fundit të kampionatit.
