Kevin Spacey u shpall i pafajshëm për kryerjen e veprave seksuale ndaj katër burrave në Mbretërinë e Bashkuar midis 2001 dhe 2013.
64-vjeçari, fitues i dyfishtë i Oskarit, qau teksa u lirua pas një gjyqi që filloi në fund të qershorit, gjatë të cilit prokuroria e përshkroi si “ngacmues seksual”.
Në një deklaratë të shkurtër për gazetarët, aktori i Hollivudit tha: Unë do të doja të them se i jam jashtëzakonisht mirënjohës jurisë që gjeti kohë për të shqyrtuar me kujdes të gjitha provat dhe të gjitha faktet përpara se të merrnin vendimin e tyre dhe jam i përulur nga rezultati sot.
“Dua të falënderoj gjithashtu stafin brenda kësaj gjykate, sigurimin dhe të gjithë ata që u kujdesën për ne çdo ditë, ekipin tim ligjor Evan dhe Lucy që ishin këtu çdo ditë dhe kjo është gjithçka që kam për të thënë për moment. Faleminderit shumë.”
Anëtarët e publikut brohoritën dhe filmuan Spacey-n teksa po dilte nga ndërtesa, me njërin që i uronte ditëlindjen dhe një tjetër duke bërtitur “ne të duam Kevin” ndërsa ai hipi në një taksi për t’u larguar.
