Policia e Durrësit ka arrestuar shtetasin Azem Allçi i shpallur në kërkim pasi kundërshtoi efektivët e policisë.
Gjatë operacionit të zhvilluar në muajin shkurt, 32-vjeçari nuk respektoi urdhërin e efektivëve për të ndaluar, por ka shtuar shpejtësinë, duke rrezikuar jetën e punonjësve të policisë.
Shërbimet e Policisë janë vënë në ndjekje të automjetit dhe kanë bërë të mundur kapjen dhe arrestimin në flagrancë të pasagjerit 19 vjeçar, ndërsa 32-vjeçari ka mundur të largohet duke përfituar nga errësira.
Gjatë kontrolit në automjet, shërbimet e Policisë gjetën dhe sekuestruan në cilësinë e provës materiale një armë zjarri pistoletë dhe municion luftarak.
Materialet në ngarkim të Azem Allçit u referuan në prokurorinë e Durrësit për veprime të mëtejshme.
