Janë zbardhur detaje të reja nga operacioni i sotëm i SPAK, ku u lëshuan 15 urdhër-arreste, mes të cilëve dhe personazhe të njohur të biznesit, krimit, policisë dhe drejtësisë.
Burime bëjnë me dije se SPAK ka lëshuar urdhër-arresti edhe Ervis Martinajn dhe kanë ushtruar kontrolle në banesën e tij edhe pse ai prej më shumë se një viti është i zhdukur dhe nuk ka asnjë gjurmë prej tij.
Po të njëjtat burime bëjnë me dije se në kërkim është shpallur dhe Elion Hato, krahu i djathtë i Ervis Martinajt, i cili është përfshirë në sherrin e përgjakshëm në zonën e ish-Bllokut më 4 tetor të 2018-ës. Mësohet se nga hetimet ka rezultuar se Elion Hato, në bashkëpunim me persona të tjerë ka tentuar që t’i bëjë atentat Ibrahim Licit, një personazhi të njohur të botës së krimit në Shkodër.
Pjesë e grupit kriminal ishte dhe ish-shefi i Krimit të Organizuar në policinë e Shkodrës, Ardit Hasanbegaj, i cili ka krijuar kushtet për antantat ndaj Dorjan Dhulit dhe Ibrahim Licit, kundërshtari i përbetuar i ‘Bajrave’. Në kërkim janë shpallur Asmer Bilali dhe Behar Bajri.
Burime bëjnë me dije se, sipas SPAK, dyshohet se Ervis Martinaj në bashkëpunim me Behar Bajrin dhe Edmond Prekën janë të përfshirë në vrasjen e Gjin Ndojit (Boriçit) më 9 Gusht të vitit 2020 në Vaun e Dejës. Dyshohet se porositësi i vrasjes është Ervis Martinaj.
Gjin Ndojit (Boriçi) u gjet i vrarë me plumb në kokë rreth orës 05:55 të mëngjesit të 9 Gushtit 2020 në fshatin Shkjezë. Trupi i tij i pajetë u gjet pak metra larg automjetit tip “BMW”, e ndërsa në vendngjarje u zbuluan 3 gëzhoja tip kallashnikovi. Pas atentatit, 1 km larg vendit ku u qëllua për vdekje i riu, u gjet e djegur një makinë, e cila dyshohet se u përkiste autorëve, një skemë kjo e përdorur edhe në vrasjet e tjera për të humbur gjurmët
Ndërsa, i arrestuari tjetër, Xhevahir Lita, drejtues aktual i prokurorisë së Kukësit, dyshohet se gjatë kohës kur ka ushtruar detyrën e prokurorit në Shkodër ka mbyllur dosjet penale në lidhje me këto vepra. Xhevahir Lita ka qenë hetues dhe prokuror në vrasjen e Gjin Ndojit (Boriçit).
Mes të arrestuarev është dhe biznesmeni i njohur në zonën e Velipojës, Pëllumb Gjoka. Ervis Martinaj dyshohet dhe për krijimin e sigurimit e kushteve për vrasjen e Kleant Musabelliut. Musabelliu, ish-punonjës i Burgjeve, me herët pas një debati e ka qëlluar Pëllumb Gjokën në zonën e Pazarit të ri në kryeqytet.
Mësohet se SPAK është bazuar në hetime nga zbërthimi i bisedave të komunikimit në aplikacioninj “sky”.
