Pavarësisht lajmit të publikuar në media, ministrja e Ekonomisë dhe Financave, Delina Ibrahimaj ka mohuar se është shkarkuar nga detyra.
Në momentin kur u fut në sallën ku po mbahet Asambleja e Partisë Sociasliste, Ibrahimaj deklaroi shkurtimisht për mediat se as nuk është shkarkuar dhe as nuk ka dhënë dorëheqjen, teksa lajmin për të e konsideroi si një thashethem të verës.
“Është koha e thashethemeve të verës, nuk jam shkarkuar dhe nuk kam dhënë dorëheqjen.” – kështu është shprehur ministrja e Ekonomisë Delina Ibrahimaj për mediat.
Mbetet për t’u parë nëse do të shkarkohet apo jo ministrja Ibrahimaj, pasi me kryeministrin Edi Rama, ministrat socialist tashmë duket se janë mësuar se janë të fundit që e marrin vesh shkarkimin e tyre.
