Kombëtarja shqiptare ka ende gjallë shpresat për një biletë në Europian, ku do të zhvillojë edhe 5 ndeshje deri në fund. Një nga takimet më të rëndësishme është ai ndaj Moldavisë në muajin nëntor, ku në datën 17 kuqezinjtë udhëtojnë në trasnfertë.
Shqipëria do të përballet ndaj Moldavisë dhe ishte planifikuar që ndeshja të luhej në orën 20:45 por orari ka ndryshuar dhe takimi do të luhet në orën 18:00. Lajmi është bërë i ditur nga vetë FSHF teksa raportohet se palët kanë rënë dakord për këtë ndryshim.
Ndaj Moldavisë mund të vendosen jo pak fatet e Europianit për grupin tonë duke qenë se kuqezinjtë do të luajnë menjëherë pas 2 ndeshjeve ndaj Republikës Çeke dhe asaj ndaj Polonisë. Kuqezinjtë e mbyllin në shtëpi ndaj Ishujve Faroe.
