Janë dëmtuar ditën e sotme linjat transmetuese të Tensionit të Lartë në zonën midis Tiranës dhe Elbasanit.
Mësohet se këputja e përcjellësve të kësaj linje ka ndodhur në afërsi të tunelit të Kërrabës. Kjo ka bërë që disa zona të mbeten pa energji elektrike
Për riparimin e saj po punojnë dhjetra inxhinierë dhe punonjës të OST dhe Tensionit të Lartë.
Gjatë kësaj vere këputja e linjave elektrike të transmetimit të energjisë ka qenë e shpeshtë dhe jo rrallë është rrezikuar edhe jeta e qytetarëve sidomos në Njësinë Administrative të Bradasheshit, ku ka pasur disa raste të këputjes së përcjellësve të Linjave të Tensionit të Lartë.
