Nënkryetari i Partisë Demokratike, Luçiano Boçi, ka komentuar pasditen e sotme zgjedhjet e pjesshme të 23 korrikut që u mbajtën në Rrogozhinë, dhe rezultuan me fitoren e kandidatit të PS, Edison Molla.
Lidhur me këtë rezultat, Boçi është shprehur se është ushtruar një terror politik nga qeveria për të manipuluar me çdo kusht rezultatin e zgjedhjeve, thënë kjo nisur edhe nga fakti që ditën e zgjedhjeve janë konstatuar shkelje, si fotografimi i votës, persona të paautorizuar në QV, apo votime familjare.
I ftuar në Syri TV, Boçi u shpreh ndër të tjera se PS, ka shtuar dhe numrin e votuesve për të arritur rezultatin që ata dëshirojnë.
Boçi: Në Elbasan Tiranë e rrethe të mëdha njerëzit duan të largohen dhe nuk marrin pjesë as në votime ndërsa në Rrogozhinë u shtuan 2000 perona që duan të marrin pjesë në zgjedhje ndryshe nga zgjedhjet e 14 majit. Ajo që ka ndodhur atje është një katastrofë politike ku kandidatët luftojnë me shtetin dhe një organizatë kriminale që janë të veshur me pushtet ku interesi i qytetarit nuk duket gjëkundi.
Kush fitoi me 2 mijë vota diference, qeverisja më e mirë, ajo qeverisje që është e zhytur në krim e korrupsion, kandidati i opozitës shpalosi një ide për ndryshimin e qeverisjes së qytetit por në fund shohim një diferencë me 2 mijë vota ku para 40 ditësh i njëjti kandidat që humbi dje i fitoi zgjedhjet. Unë e ndjej veten fajtor se jam pjesë e politikës, pavarësisht se kush janë autorët e masakrës, iluzioni që kemi zgjedhje e do ta shembim regjimin me zgjedhje është iluzion. “
