Para disa ditësh Visar Bekaj u prezantua tek ekipi turk i Hatayspor dhe e ka nisur këtë aventurë të re në një mënyrë mjaft të mirë.
Në ndeshjen e sotme miqësore që Hatayspor luajti kundër ekipit tjetër turk Karagumruk, portieri shqiptar arriti të ishte vendimtar dhe të ndihmontë në fitoren 2-1 që ekipi i tij arriti.
Ish-portieri i Tiranës arriti që t’i priste penalltin lojtarit serb Adem Ljajic në pjesën e parë, në momentin që ekipi i tij ishte në disavantazh.
Por me pritjen e tij Bekaj i dha shtysë ekipit për të shënuar dhe përmbysur rezultatin. Një nisje mjaft e mirë dhe mënyrë perfekte për të fituar zemrat e tifozëve.
