Partizani do të luajë nesër në transfertë kundër Atletic d’Escaldes, ndeshje e vlefshme për turin e dytë të Conference League.
Kjo sfidë do të zhvillohet në stadiumin e andorianëve, ndërsa para takimit, ka dalë në konferencë për shtyp trajneri Zoran Zekiç.
Para gazetarëve, ai është shprehur optimist ndërsa ka thënë:
“Favoritë si ndeshje e parë? Jo nuk besoj. Ajo që është më e rëndësishme është që këtu duhet të jemi të përqendruar maksimalisht dhe të luajmë lojën tonë. Të tregojmë autoritet në ndeshjen e nesërme.
Gjendja e skuadrës? Sot do të zhvillojmë edhe seancën e fundit. Deri tani të gjithë lojtarët janë të gatshëm. Kemi luajtur dy ndeshje dhe shpresoj që të mos kemi asgjë serioze për ndeshjen e nesërme.
Kualifikimi? Për këtë duhet të flasim pas ndeshjes së parë. Janë dy përballje për tu luajtur, do të fokusohemi te ndeshja e nesërme. Kemi analizuar kundërshtarin gjatë këtyre ditëve. Nesër duhet të mendojmë për paraqitjen tonë dhe të jemi gati për çdo gjë që mund të ndodh gjatë ndeshjes”, është shprehur ai.
Ndeshja Atletic d’Escaldes – Partizani është programuar të zhvillohet nesër në orën 17:00.
