Një kamion ka marrë flakë pasditen e kësaj të hëne në tunelin Elbasan-Tiranë.
Paraprakisht dyshohet se zjarri ka rënë si pasojë e një defekti teknik, ndërsa fatmirësisht nuk ka të lënduar, vetëm dëme materiale.
“Rreth orës 19:30, në tunelin e autostradës Elbasan-Tiranë, ka marrë flakë në ecje e sipër, automjeti tip “Kamion”, me drejtues shtetasin V. M. Nga flakët janë shkaktuar vetëm dëme materiale.
Paraprakisht dyshohet se zjarri ka rënë për shkak të një defekti në automjet”,- njofton Policia.
Ndërkohë si pasojë e zjarrit, është rënduar trafiku. Siç mund të shihet edhe në pamjet e mëposhtme janë krijuar radhë të gjata automjetesh.
Grupi hetimor po punon për sqarimin e plotë të rrethanave të ngjarjes.
