Përveç temperaturave të larta, Greqia po përballet edhe me një numër të madh zjarresh që kanë përfshirë vendin. Pasditen e kësaj të diele një zjarr i madh ka rënë në malet Pantokratoras në ishullin e Korfuzit.
Mediat greke raportojnë se për momentin janë duke u djegur sipërfaqe me barishte, ndërsa zonat e banuara nuk janë në rrezik deri më tani. Erërat për momentin nuk janë të forta, megjithatë zjarri ka një sipërfaqe të madhe dhe ende nuk është shuar.
Mbrojtja Civile u ka dërguar apel për evakuim banorëve në vendbanimet: Portes, Megoula, Simies, Palea Perithia dhe Saga në Kassiopi.
Në vendngjarje për shuarjen e flakëve po punojnë 30 zjarrfikëse, nga dy grupe këmbësoresh, nëntë automjete dhe dy avionë dhe një helikopter.
