Callum Hudson-Odoi është drejt largimit nga Chelsea dhe pritet t’i bashkohet rivalëve të bluve në Premier League, Fulham.
Mediat britanike raportojnë se lojtari, i cili aktualisht fiton mbi 120,000 £ në javë, ka rënë dakord për kushtet personale me ekipin e tij të ardhshëm.
Dikur i cilësuar si e ardhmja e klubit dhe vendit të tij, anglezi ka vuajtur nga lëndimet e shumta që prej vitit 2018 kohë kur iu bashkua Chelseat duke mos shfaqur për asnjë moment formën e tij më të mirë.
Huazimi te Bayer Leverkusen sezonin e kaluar kishte për qëllim të ringjallte perspektivat e tij, por sulmuesi shënoi vetëm një gol dhe dha një asist në 21 paraqitje.
Thuhet se ai është i vendosur të bashkohet me Fulhamin, veçanërisht pasi menaxheri Marco Silva riafirmoi angazhimin e tij ndaj Cottagers duke refuzuar një ofertë prej 40 milionë funte për të marrë drejtimin e skuadrës Saudite të Pro League, Al-Ahli.
