Një aksident me vdekje është regjistruar mbrëmjen e kësaj të diele në Përmet
Autoritetet policore bëjnë me dije se shtetasi Gerti Hoxha, rreth 45 vjeç, banues në Tiranë, ka humbur kontrollin mbi drejtimin e motoçikletës dhe ka dalë nga rruga. Si pasojë e aksidentit, ai ka marrë plagë të shumta dhe ka ndërruar jetë në vendngjarje.
Ngjarja ka ndodhur rreth orës 20:45, në rrugën rurale të fshatit Mbrezhdan. Grupi hetimor po punon për sqarimin e plotë të rrethanave dhe shkakut të aksidentit.
