Lewis Hamilton ishte kryefjala e provave zyrtare në Hungari, me pilotin britanik që arriti “pole-position” duke lënë pas Max Verstappen dhe Lando Norris.
Piloti britanik i Mercedes arriti të merrte vendin e parë me vetëm 0.003 sekonda më i shpejtë se rivali i tij holandez i Red Bull.
Kjo është hera e parë e Hamilton që arrin një “pole-position” që nga gara e Arabisë Saudite në vitin 2021, teksa në karrierën e tij është pole numri 104.
“Jam shumë i nderuar të jem këtu. Skuadra punoi shumë fort”, u shpreh veterani britanik.
Kështu ai do ta nisë nga vendi i parë garën e nesërme në Hungari, teksa do t’i duhet t’i bëjë ballë furisë së Verstappen.
