Trajneri i Vllaznisë, Migen Memelli foli pas skualifikimit nga Liga e Konferencës.
Ai falënderoi pafund tifozët dhe futbollistët për çdo gjë.
“Boll i mërzitur jam, por ajo që dua të them është një falënderim i madh për futbollistët, nuk mund të jem më tepër krenar, pasi sot në Shkodër dhe të gjithë ata që e kanë parë nga shtëpia ndeshjen, kanë vënë re një futboll të bukur. Ajo që mund të merrnim më shumë ishin ato episode që nuk na u dhanë. Do të kemi kohë deri në fund të gushtit për të mbyllur dy lojtarë, skuadra dha gjithçka sot. Kur ti luan ndaj një skuadre që nuk ke shumë informacion normale që është e vështirë. Unë kam ardhur në Shkodër për të fituar dhe skepticizmi ska qenë vetëm për mua por edhe për Balajn që bëri gol sot. Skuadra jonë është e re dhe janë larguar shumë nga ekipi, nuk mund të kërkoja më shumë se kaq nga futbollistët, ajo që duhet të ndryshojmë jemi ne, unë dhe futbollistët. Falenderojmë tifozët që ishin sot në stadium, shtynë lojtarët që të bënin më të mirën e tyre. Një skuadër pa oksigjen është pothuajse zero. Më vjen më shumë keq për djemtë se për vete se dhanë maksimumin dhe dua ti falenderoj pafund”, u shpreh ai në një deklaratë për “SuperSport”.
