Një shtetas i huaj është konstatuar i pajetë në afërsi të një pallati 3-katësh në dalje të Koplikut, në Malësi të Madhe.
Ka qenë një qytetar i cili ka konstatuar trupin e pajetë dhe ka njoftuar policinë, që ka shkuar në vendngjarje.
Policia konfirmoi se viktima dyshohet se është i shtetësisë siriane.
“Rreth orës 20:50, jashtë një banese të braktisur në afërsi të stadiumit Koplik, është gjetur pa shenja jete dhe pa shenja dhune një shtetas rreth 30 vjeç, dyshohet shtetas sirian. Grupi hetimor ndodhet në vendngjarje dhe vijon punën për përcaktimin e shkakut të vdekjes si dhe identifikimin e këtij shtetasi”, njoftoi policia.
