Policia ka vënë në pranga një 69-vjeçar pasi ka goditur me thikë një grua 48-vjeçare në Tiranë.
Autori i dyshuar u shoqërua në Komisariatin e Policisë Nr. 4, ku në cilësinë e provës materiale u sekuestrua mjeti prerës thikë që u përdor gjatë ngjarjes.
48-vjeçarja ndodhet në spital nën kujdesin e mjekëve.
“Shërbimet e Komisariatit të Policisë Nr. 4, pas marrjes së njoftimit se në rrugën “Kamber Shevroja”, shtetasi M. B., 69 vjeç, gjatë një konflikti për motive të dobëta, dyshohet se ka goditur me mjet prerës shtetasen V. A., 48 vjeçe, kanë organizuar menjëherë punën për kapjen e autorit të dyshuar.
Falë veprimeve të shpejta policore shërbimet e Komisariatit të Policisë Nr. 4, kapën dhe shoqëruan në komisariat autorin e dyshuar shtetasin M. B., 69 vjeç.
Në cilësinë e provës materiale u sekuestrua mjeti prerës thikë që autori e përdori gjatë ngjarjes.
Shtetasja V. A., aktualisht ndodhet në spital, nën kujdesin e mjekëve.”- njofton policia.
Grupi Hetimor po punon për sqarimin e rrethanave të ngjarjes.
