Një ngjarje e rëndë është regjistruar në Greqi, ku një 12-vjeçar shqiptar është nxjerrë pa ndjenja në bregdetin e Georgioupolis, teksa ka qenë duke u larë në det.
Mediat greke raportojnë se shqiptari është shtruar në spitalin universitar të Heraklion, e sipas drejtorit të spitalit universitar të Heraklion ku po trajtohet fëmija, të miturit i ka vdekur truri. Prindërit e fëmijës nga Shqipëria janë njoftuar për zhvillimet, por ende shpresojnë për një mrekulli deri në momentin e fundit.
Historia tragjike ndodhi mesditën e së dielës kur i mituri 12-vjeçar u nxorr nga një roje plazhi pa ndjenja në plazhin e Georgioupoli. Ai ka marrë menjëherë ndihmën e parë, por duket se gjendja e tij është ende e rëndë.
